Në faqen zyrtare në facebook klubi i Skënderbeut ka njoftuar për hedhjen e shortit për gjysëmfinalet e Kupës së Shqipërisë. Kaq ka mjaftuar që një tifoz të shfryjë gjithë dufin për pakënaqësitë që ka ndaj trajnerit, skuadrës apo dhe lojtarëve të caktuar. Administratori faqes zyrtare nuk është kursyer por ka replikuar me tifozin për ti rreshtuar një sërë argumentash plot mllef.
“Komenti yt është për të qeshur dhe për të qarrë bashkë. Deri më die thoshit pse nuk i kushtoni kurrë vëmëndje kupës, sot shkruani pse i kushtoni vëmëndje kupës. Nuk ke faj me gjithë këto suksese në vitet e fundit ka ndryshuar dhe mentaliteti. Tifozët duan gjithmonë trofe. Dhe ky është një tjetër sukses. Pas 6 vitesh ndodhi që dhe klubi ynë të shfaqë probleme. Po pavarësisht vështirësive jemi në gjysëmfinale të kupës dhe vetëm 2 pikë pas vëndit të parë. Ne mbetemi pretendentë për fitimin e dy kompeticioneve. Faleminderit që na keni mbështetur në momente të mira, do dëshironim që të njëjtën mbështetje ta kishim dhe në momente jo të mira”, ka replikuar administratori i faqes zyrtare të Skënderbeut.
Lexo gjithashtu
