Tirana luajti kundër Kukësit, ndeshje që përfundoi me rezultatin 1-3 në favor të verilindorëve. Të parët që kaluan në avantazh ishin vendasit, por më pas nënkampionët vunë diktaktin në fushën e “Selman Stërmasit”. Gjatë kohës që po luhej sfida, newsport.al po raportonte minutë pas minute atë që po ndodhte në kryeqytet.
Enis Gavazaj përmbysi rezultatin, gol që u pasqyrua dhe te newsport.al. Pikërisht ky lajm duket se ka kënaqur futbollistin e Tiranës, Pano Qirkon. “Gardiani” që u afrua nga Flamurtari i Vlorës në merkaton e verës, ka pëlqyer lajmin. Në një moment kur skuadra e tij e sheh veten në disavantazh, për vlonjatin me sa duket s’ka rëndësi fanela që mban veshur.
