Në shumë kompeticione europiane dhe ndërkombëtare është folur për trukime ndeshjes për skuadra të ndryshme. Sot për herë të parë ka folur Sandro Macola, i cili ishte pjesë e Kombëtares së Italisë në Botërorin e Meksikës që u zhvilluar në vitin 1970. Po në atë kohë, Axurrët barazuan me Uruguajin, ku tashmë sipas Macola rezulton të jetë trukuar. Në një intervistë për "Corriere della Sera" ai foli për këtë sfidë që i kushtoi eliminimin Suedisë.
“Është e vërtetë, ne kemi trukuar ndeshjen me Uruguain, të vlefshme për fazën e grupeve. Në takimin e parë ne mundëm Suedinë 1-0, ndërsa Uruguai bëri të njëjtën gjë me Izraelin. Në takimin e dytë me një barazim do të kualifikoheshim të dy ekipet dhe pak minuta përpara se të fillonte ndeshja më takoi në dhomat e zhveshjes kapiteni i Uruguajit. “Djalosh ne do të barazojmë sot”, më tha ai.”
“Unë lajmërova edhe shokët dhe vura re se të gjithë sikur u çliruan prej asaj që iu tregova. I vetmi që refuzoi ishte Bertini, i cili ishte një tip lojtari që edhe në stërvitje dëshironte të fitonte. Sapo nisi ndeshja, ai vrapoi si i çmendur dhe me fjalë të tjera tërboi uruguaianët, të cilët më afroheshin për të më thënë: “Ky qenka i çmendur”. Ndeshja përfundoi në barazim dhe dy ekipet kaluan më tej, duke e djegur kështu Suedinë”
Lexo gjithashtu
