Një nga temat më të nxehta në Shqipëri ëshët rifillimi i futbollit. Ekipet nuk futen në fushë, nëse nuk plotësohen katër kërkesat. Lidhur me këtë temë ka folur trajneri i njohur i volejbollit, Artan Pogoni. Pogoni shprehet se instancat e larta të vendit gjithmonë gjejnë të njëjtat justifikime për të anashkaluar sportin.
''Futbolli ka bërë kërkesat e tij, i ka vënë në tavolinë. Kanë rënë dakord të heshtin për një javë.
Qeveria po del dhe po flet fjalët e famshme për sportin, prej 7 vitesh e gjysmë. Ne dalim dhe analizojmë, por për çfarë? Kjo punë shkon në nivele qesharake.E keni dëgjuar ndonjëherë Këshillin e Sportit? E keni dëgjuar ndonjëherë të mblidhen? Janë organizata që nuk funksionojnë fare. Asnjë reagim, asnjë prononcim. KOKSH, asnjë prononcim. Ndërkohë, FSHF, e cila dhe bojkoton, është e vetmja që reagon.
Pra, jemi në një situatë kaotike totale, ku ne duhet të rrimë dhe të dëgjojmë çfarë thotë Fidel Ylli dhe Ministrja e Financave, Anila Dena'' - Pohon Pogoni.
Lexo gjithashtu
