Nëse edhe shqiptarët e Zvicrës do të luanin për ngjyrat kuqezi, patjetër që do të ishim më të fortë. Po si do të ishte formacioni bashkë me Shaqirin, Granit Xhakën, Xhemailin, Mehmedin dhe Behramin apo ndonjë tjetër. Në prapavijë nuk ka ndryshime. Në mesfushë padyshim që do të kishte vend për Granit Xhakën në qendër, ndoshta në vend të Kukelit. Edhe Behrami e Xhemaili mund të ishin titullarë ose në balotazh me lojtarët kuqezi, ndërsa Mehmedi me siguri do të kishte një vend titullari në sulm.
