“Shtoj dy kile për një javë, por i heq në një ndeshje”, rrëfehet lojtari që çmendi Superioren

Donjet Shkodra është lojtari që është rikthyer së fundmi te Flamurtari. Mesfushori nga Kosova prej disa javësh nuk ishte në fushën e blertë si shkak i një dëmtimi. Shkëlqeu në dy fazat e para me kuqezinjtë, duke qenë një nga golashënuesit e këtij ekipi, megjithatë fati nuk qe me të në këtë start të fazës së tretë.

Ai luajti kundër Kukësit, ku trajneri Duro e hodhi në fushë në pjesën e dytë. U vu re qartë që mesfushori i talentuar kishte shtuar në peshë, por cilësitë e tij nuk kishin humbur. Për këtë, Shkodra ka folur për mediat ku ka deklaruar: “Jam lojtar që kur mbaroj stërvitjen dhe sezonin, shtoj në peshë me një javë. Por hiqet shumë shpejt. Kam një ose dy kile më shumë, por këto kile do t’i heq, pasi pas çdo ndeshje unë bie një ose dy kile”.