Serie A do të vijë ditën e sotme me 4 duele, të vlefshme për javën e 3-të të saj. Këto sfida kanë interes edhe për tifozët shqiptarë, pasi në fushë do të zbresin edhe futbollistët me origjinë shqiptare
I pari do të jetë Kristjan Asllani. Interi në orën 18:30 do të presë Firorentinën. Zikaltërtit synojnë fitoren për të mbajtur hapin e Milan, ndërsa skuadra vjollcë dëshiron 3 pikët për t’u ngjitur në klasifikim.
Në të njëjtën orën do të luhet edhe përballja mes Torinos dhe Genos, ndërsa në orën 20:45 Empoli i shqiptarëve do të tentojë të ndalë “vrullin” e Juventusit. Etrit Berisha dhe Ardian Ismajli priten titullarë ndaj “Zonjës së Vjetër”, ndërsa Stiven Shpendi me shumë gjasa do të marrë minuta në pjesën e dytë.
Gjtihashtu në 20:45 edhe Ylber Ramadani do të jetë protagonist me Leccen në sfidën ndaj Salernitanas. Një duel interesat me Leccen që synon vetëm 3 pikët.
