Marius Zena shkëlqeu sot në fushë me Erzenin, ku shënoi dopietë gjatë miqësores kundër Tërbunit të fituar 3-0. Karriera e tij megjithatë duket se do ketë tjetër drejtim. Është “Partizani Fan Club” që tregon se Zena do jetë i Partizanit në të ardhmen.
Talenti 17-vjeçar, i lindur në Tiranë, spikati kur luajti me Dinamon U19 duke fituar titullin kampion. Mësohet se fillimisht sulmuesi do bashkohet me moshat e Partizanit, për t’u katapultuar më pas me ekipin e parë në bazë të paraqitjeve.
Përditësim: I pyetur nga “newsport.al”, Zena e ka konfirmuar lajmin e mësipërm.
