Michael Babatunde ka folur pas fitores 4-3 kundër Teutës. Sulmuesi i Laçit u shpreh i lumtur me atë që skuadra e tij dha në fushën e blertë.
Në prononcimin e zakonshëm për mikrofonin e Oversport, shtatlarti i fazës ofensive të kurbinasve deklaroi:
“Jam i lumtur për golin e parë dhe dy asistet. Jam shumë i kënaqur me performancën, falë Zotit triumfuam dhe kemi bërë një ndeshje të mirë.
Nisja e keqe? Humbëm përqëndrim në minutat e para, por fatmirësisht barazuam shpejt dhe u kthyem shpejt në lojë.
Motivimi i trajnerit? Ne folëm që duhet ta fitojmë ndeshjen dhe të gjithë bëmë mirë. Trajneri na theksoi qe duhet të besim vlerat tona dhe ne ia dolëm”.
