Bernard Berisha kompletoi një transferim të bujshëm dy ditë më parë duke kaluar nga Anzhi te Terek Grozni.
Sulmuesi kosovar u shit për 2.5 milionë euro. Të ardhura këto që shkuan në arkën e klubit të Anzhit. Por, edhe Skënderbeu përfitoi 100 mijë euro, një shifër e parashikuar në kontratën e shitjes së Berishës nga kampionët e Superligës te Anazhi, fiks një vit më parë.
Por, sipas mediave kosovare, edhe Besa e Pejës pëfiton nga shitja e Berishës. Janë plot 125 mijë euro që do të shkojnë në llogarinë e klubit kosovar, që përfiton kështu nga rregulli i FIFA-s si skuadra ku Bernard Berisha është formuar si futbollist.
