Shitën yllin e ekipit, LAÇI ka gati pasardhësin

Laçi e ka gati zëvendësuesin e Myrto Uzunit. Anësori kroat Ivan Galic është ai që do t’i bashkohet ekipit kurbinas në këtë javë. Marrëveshja midis ish-ekipit të tij të Cibalias dhe Laçit është ezauruar dhe klubi ka marrë dokumentacionin nga pala kroate. Ndihmë në plotësimin e hapave ligjorë për legalizimin e Galicit si futbollist i Laçit ka dhënë Federata e Futbollit Kroat, e cila ka dhënë miratimin për transferimin e lojtarit në Shqipëri. Ai pritet të jetë gati për ndeshjen e javës së katërt të Kategorisë Superiore. Galic ishte pjesë e Flamurtarit në sezonin 2016/2017.