Pas përfundimit të takimit Skënderbeu-Kukësi, e cila u mbyll në barazim 1-1, tifozeritë janë përfshirë në një përleshje mes tyre.
Duke marrë parasysh interesin e madh që kishte kjo sfidë, forcat e policisë ishin të shumta në shkallët e stadiumit, por kjo nuk mundi ta shmangte dot situatën e krijuar në tribunën qëndrore kur përveç bardhekuqve kishte edhe tifozë të Kukësit.
Kuksianët nuk kanë rreshtur së ofenduari tifozerinë korçare gjatë gjithë takimit. Pas ndeshjes gjithçka ka degraduar në përballje fizike ku dy tifozeritë janë përfshirë në një sherr masiv në të cilin nuk munguan grushtet.
Policia ka ndërhyrë menjëherë duke duke shmangur një situatë ndoshta më të rëndë dhe si përfundim ka shoqëruar në rajon dy tifozë të kukësit të cilët ishin edhe ata që e filluan këtë situatë.
Loading ...
