Apolonia renditet në 3 vendet e para të grupit B, në kategorinë e parë. Natyrisht që ekipi po tregon karakter deri tani, po asgjë nuk ka mbaruar akoma. Ekipi i duhet vazhdimësi dhe këtë gjë kërkon edhe trajneri Artan Mërgjyshi. Megjithatë, situata po shqyrtohet ndeshje pas ndeshje.
Nuk përjashtohet mundësia që ekipi të synojë Superioren. Mërgjyshi dëshiron të nxjerrë më të mirën nga lojtarët e tij. Rruga është e gjatë dhe e vështirë deri në fund, pasi në grupin ku bën pjesë Apolonia ka ekipe shumë të forta. Apolonia do përballet me Orikun, me datën 23 në orën 13:00.
