Ilir Daja ka folur pas fitores së thellë 4-0 kundër Skënderbeut. Trajneri i Partizanit analizoi shkurtimisht ekipin e tij, si dhe u ndal te ndeshja e së premtes kundër Tiranës.
Derbi për teknikun kryeqytetas është i veçantë dhe në fjalën e tij për Supersport, Daja u shpreh:
"Na vjen mirë që sot kemi bërë një pjesë të parë nga më të mirat e kampionatit. Kam parë ekipin që ka bërë goxha mirë. Edhe në goditjet standarte ka qenë mirë. Do të doja të njëjtën edhe në pjesën e dytë, por një rezultat i tillë, ndoshta ka edhe pjesë që lojtarët nuk vazhdojnë me motivimin maksimal.
7 gola në 2 ndeshje, derbi? Kemi një anë psikologjike të mirë dhe gëzojmë një anë të mirë. Kemi disa ndeshje që nuk pësojmë. Kanë shkuar te goli të gjithë sulmuesit tanë. Nuk kemi dëmtime dhe shyqyr që nuk i kemi sepse kontigjenti s'është i plotësuar totalisht. Kemi lojtarë që kur japin maksimumin, vështirë të përballohen. Shkojmë në derbi me një psikologji të mirë, por derbi është derbi.
Skënderbeu? Besoj se do të ketë një periudhë kalimtare. Në ndeshje dua të fitoj maksimalisht sepse ky është profesioni. S'do të thoja që me vjen mirë për Skënderbeun. Edhe ata duan kohën e vet që të kenë një manovër sa më të mirë. Besoj se s'do të jetë në këtë pozicion. Ka në skuadër lojtarë që janë të rinj dhe mund të bëjnë shumë mirë.
Formacioni në derbi? Kemi edhe 4-5 ditë deri të premten për të përgatitur derbin. S'mund ta them që çfarë do të bëj në derbi. Ti Vilma je edhe simpatizante e Tiranës dhe nuk e ekspozoj formacionin. Do të jenë lojtarë për ta përballuar sa më mirë atë ndeshje.
Zëvendësimet e vonuara? Edhe mund të kisha kryer zëvendësime edhe më shpejt. Rezultati na i jepte atë mundësi, por dua të konsolidohem me formacionin e parë në manovër. Në pushim të ndeshjes komunikova me futbollistët për të mos e mbajtur mendjen te rezultati. Duhet të automatizojmë veprimet. Manovrën duhet ta konsolidojmë përmes ndeshjes. Me zëvendësimet s'dua të prish manovrën.
Melo dhe Asani? Është java e pestë dhe është shumë shpejt për të folur për fundin e kampionatit. Ne kemi paraqitur oshilacione edhe brenda 90 minutave. Ne mund të shkojmë shumë larg, por duhet të sillemi si në ndeshjet e fundit. Kanë dhënë maksimumin. Elementi kryesor i këtij grupi është shpirti i skuadrës. Lojtarët e kanë krijuar vetë këtë atmosferë. Nëse një ekip ka kohezionin e duhur, besoj se gjërat se shkojnë mirë. Të them të drejtën, rritet potenciali me këta dy futbollistë. Por, që do të gjejmë manovrën e duhur për t'i përdorur të gjithë. S'mund të kesh një sulm të mirë nëse nuk mbrohesh mirë.
Mungesa e fitores në derbi te Tirana? Nuk e kam fituar, por kam humbur vetëm 1. Atë që s'e bëra me Tiranën, do ta bëj me Partizanin që ta shijoj edhe unë një fitore në derbi.
Favorit në derbi? Unë do të thoja që derbi që edhe kur skuadrat kanë diferenca, derbi s'është kurrë i parashikueshëm. Nëse do të mendojmë se jemi favoritë, do të bëjmë gabimin më të madh. Duhet të kontrollojmë presionin e tepërt që në derbi është prezent", ka përfunduar ai.
Lexo gjithashtu
