Safet Gjici zbulon të vërtetën e Pejiç te Kukësi

Safet Gjici, presidenti i skuadrës kuksiane në një prononcim për newsport.al ka folur për të vërtetën e transferimit të Pero Pejiç në klubin verilindor. Kreu i klubit ka mohuar të gjithë zërat që e rikthenin edhe një herë kroatin në Shqipëri, konkretisht te skuadra e Hasan Likës. Ky lajm madje sot mori edhe formën e zyrtarizimit, ku sipas mediave gjithçka ishte mbyllur dhe pritej vetëm firma. Mirëpo presidenti i ka hedhur poshtë të gjithë këto lajme teksa deklaroi: “Nuk kam asnjë kontakt me Pero Pejiçin. Janë thjesht spekulime“.

Pero Pejiç ishte pjesë e kuksianëve për sezonin 2014-2015, ku arriti të shënonte 31 gola në 35 takime, duke u shpallur si golashënuesi më i mirë i Superiores. Kroati e njeh mirë futbollin shqiptar pasi ka luajtur për disa sezone rresht dhe me ekipe të tjera të kampionatit shqiptar si Dinamo, Tirana, Flamurtari dhe Skënderbeu.