Përmes një komunikate zyrtare, drejtuesit e klubit të Korabit kanë reaguar sërish për çështjen kontratuale që Plaku ka me klubin dibran.
Pak ditë më parë, Sabino Plaku i është bashkuar Skënderbeut, duke u larguar nga Korabi. Klubi dibran ka thënë përmes një komunikate zyrtare, se Plaku është nën kontratë deri në fund të sezonit dhe në këtë mënyrë nuk është e mundur që të aktivizohet me korçarët pa mbyllur çështjen e lënë pezull.
Sabino Plaku ka firmosur një kontratë me klubin dibran në fillim të sezonit, e cila mbyllet në fund të sezonit dhe si e tillë, drejtuesit e Korabit pretendojnë, që Plaku të vazhdojë kontratën ashtu siç është përcaktuar në fillim.
Ndërkohë që drejtori sportiv i Korabit është paraqitur në FSHF, ku ka ankimuar këtë problem.