Televizioni publik shqiptar ka njoftuar që do të transmetojë ndeshjen e Partizanit me Salzburgun, takim i vlefshëm për raundin e tretë eliminator të Champions League. Nëpërmjet një postimi në facebook,RTSH bën me dije që ndeshja do të transmetohet drejtpërdrejt në këtë kanal pa pagesë për të gjithë shqiptarët.
” Ëndrra vazhdon… Champions League vijon më tej dhe Partizani është prezent… Ditën e martë, datë 26 korrik, drejtpërdrejt nga “Elbasan Arena”, “demat e kuq” presin Kampionët e tre viteve te fundit ne Austri. Te martën, ora 20.00 drejtpërdrejt dhe ekskluzivisht në RTSH, Partizani – Red Bull Salzburg”, shkruhej në njoftimin në facebook të RTSH.
Kujtojmë që RTSH transmetoi edhe ndeshjet e kaluara të Partizanit, në fillim në Europa League me Slovan Bratislavën, më pas në Champions League ndeshjen kundër Ferencvaroshit.