Rindërtimi i VLLAZNISË ka vetëm një rrugë, drejtuesit bien dakord përpara nisjes së sezonit

Vllaznia ka vendosur ta nisë fushatën e rikthimit në Kategorinë Superiore nga zeroja. Kuqeblutë kanë marrë dhe vendimet e fundit në lidhje me çështjen financiare të pagesave të futbollistëve. Drejtuesit kanë miratuar së bashku që rrogat e futbollistëve që do të luajnë këtë vit për shkodranët të reduktohen me synimin që të motivojnë më tepër lojtarët për të marrë rezultate pozitive. Taktika e pagave të majme në sezonin e fundit ku zbritën nga elita e futbollit shqiptar rezultoi dështim pasi pavarësisht shifrave më se të kënaqshme, ekipi nuk e përmbushi me sukses misionin në qëndrimin në Kategorinë Superiore. Për sa i përket bazës së skuadrës, tekniku Hasan Lika do të përqëndrohet te futbollistët vendas, por pa lënë mënjanë dhe afrimet e lojtarëve të huaj në ditët e fundit të merkatos verore.