Mesfushori i Shqipërisë Amir Abrashi u rikthye para 3 ditësh në fushë duke luajtur për herë të parë pas gati një viti me skuadrën e tij Freiburg në miqësoren ndaj Mainz (2-2). Paraqitja e 28-vjeçarit i ka lënë përshtypje pozitive teknikut të ekipit gjerman Christian Streich.
“Luajti sikur nuk ishte dëmtuar. Një luftëtar i vërtetë. Kam vetëm fjalë të mira për të”, theksoi tekniku Streich.
Abrashi pritet të nisë menjëherë si titullar me Freiburgun dhe kontributi i tij do të kërkohet edhe te Shqipëria për fazën kualifikuese të EURO 2020.
Mesfushori shkatërrues ka qenë njëri prej shtyllave të kuqezinjve, kur këta drejtoheshin nga italiani Gianni De Biasi.