Pauza e Kombëtareve merr fund ditën e sotme me ndeshjet e fundit të Ligës së Kombeve për këtë muaj shtator. Pas kësaj në fundjavë do të rikthehen edhe një herë kampionatet dhe ndeshjet e futbollit vendas në çdo vend, duke risjellë edhe një herë emocionet e zjarrta.
Në Shqipëri nesër do të luhen ndeshjet e para të Kupës, me skuadrat që do zbresin në fushë në një miks përballjesh mes kategorisë Superiore dhe atyre më të ulëta për raundin e parë. Ndër ta Kukësi do të mas forcat me Orikumin, me verilindorët që kanë mbyllur sot përgatitjet për këtë takim.
Direkt pas seancës së sotme stërvitore, ekipi i drejtuar nga Armando Cungu është nisur drejt Vlorës, ndërkohë që ndeshja luhet nesër në stadiumin “Petro Ruçi” në orën 16:00.
Njoftimi plotë i klubit të Kukësit:
Skuadra e F.K. Kukësit ka mbyllur përgatitjet para ndeshjes me KF Orikumin, takim i vlefshëm për turin e parë të Kupës së Shqipërise.
Seanca e sotme stërvitore është zhvilluar rreth orës 16:00, në kompleksin sportiv “Internacional”, Pezë dhe ka qenë e një karakteri tekniko-taktik ku trajneri Cungu i ka dhënë fund përgatitjeve për ndeshjen e nesërme, e cila do të luhet në stadiumin ‘Petro Ruci’, ora 16:00.
Direkt pas realizimit të kësaj seance stërvitore skuadra është nisur drejt Vlorës duke u akomoduar në një nga hotelet e qytetit bregdetar.
Loading ...
