Derbi mes Partizanit dhe Tiranës, gjithmonë do të dhurojë emocione dhe “magji” në fushën e lojës. I tillë pritet të jetë edhe derbi i Kategorisë së Dytë.
Partizani B dhe Tirana B do të përballen mes tyre nesër në orën 14:00 në kompleksin sportiv “Internacional Tirana” në Pezë.
Të kuqtë kërkojnë fitoren për t’i “rrëmbyer” vendin e tretë me Vorës, ndërsa bardheblutë e Tiranës, do të kërkojnë të harojnë humbjen në shtëpi kundër Kukësit një javë më parë.
Siç edhe dihet, derbi i ka të treja rezultatet brenda, ndaj do të jetë e vështirë të parashikosh fituesin.
Loading ...
