Rikthehen tre titullarë për derbin, Josa i ka të gjithë të gatshëm

Erando Karabeci, Afrim Taku dhe Olsi Teqja janë rikthyer në stërvitje prej ditës së djeshme duke marrë ngarkesë të plotë dhe lënë pas krahëve dëmtimet. Të tre futbollistët munguan në takimin e humbur në Kukës ndërkohë që për të premten pritet të jenë në fushë.

Bashkë me ta është rikthyer dhe Gilman Lika, që ka lënë pas gjëndjen gripale dhe do të jetë gjithashtu i gatshëm për trajnerin Josa. Ilion Lika ka pësuar dje një dëmtim të lehtë por nuk ka asgjë me rrezik për të ndërkohë që portieri Edvan Bakaj prej dy ditësh nuk është stërvitur me skuadrën për shkak të një kontraktimi muskular.