Partizani iu rikthye stërvitjes të premte. Pas eleminimit nga Conference League, të kuqtë tanimë janë fokusuar te nisja e sezonit në 20 gusht, ndërsa situata nuk duket e qetë.
Maguette Gueye dhe Saliou Sembene kanë refuzuar të dalin në stërvitje me ekipin, pasi kërkojnë të largohen nga klubi. Të afruar vetëm një sezon më parë, dy senegalezët dëshirojnë më shumë minuta.
Një gjë e tillë nuk iu plotësua vjet 20 vjeçarëve, që duket se kanë vendosur të dalin kundër klubit, duke mos u paraqitur në stërvitje. Me kontratë deri në 2025, ende nuk ka asgjë zyrtare për të ardhmen e lojtarëve.
