Refik Halili ka folur pas fitores së Superkupës së Shqipërisë. Presidenti i Tiranës s'e fshehu gëzimin, përkundrazi përgëzoi stafin për punën e bërë.
Ai i bën thirrje ekipit që të vijojë punën maksimalisht duke nisur menjëherë përgatitjet për kampionatin. Kreu i klubit bardheblu deklaroi për mediet:
"Dihet që të fitosh një trofe është e rëndësishme, duhet shumë punë. Unë përgëzoj gjithë tifozerinë tonë, në veçanti futbollistët që janë të mrekullueshëm, stafin. Jam i gëzuar, iu shtua klubit tonë edhe një trofe më shumë. Krenar ndihem për këtë gjë. Nga vit në vit shpresojmë të fitojmë një trofe, do të jetë gjë shumë e mirë.
Ti marrim gjërat me radhë, së pari duhet të përqendrohemi në kampionat, është shumë i gjatë. Kjo mbaroi të gëzojmë sonte, pastaj të shikojmë, presim gëzime në kampionat. Do kemi edhe dhurata në janar besoj”, tha ai.
Lexo gjithashtu
