Ndeshja e djeshme midis Interi dhe Napolit ka pasur tifozë special në stadium. Si pas asaj që raporton “Tuttomercatoweb” disa skaut të Real Madridit kanë qenë të pranishëm për të parë nga afër dy prej lojtarëve të Interit. Bëhët fjalë për mbrojtësin Milan Skrienar që më paraqitjet e tij pozitive ka rënë në sy të shumë skuadrave të mëdha europiane.
Lojtari nuk ka arritur ende të firmos kontratën e re me klubi zikaltër dhe nga kjo anë mund të përfitojë klubi madrilen. Jo vetëm mbrojtësi Skrienar, por edhe sulmuesi Mauro Ikardi është vëzhguar nga afër dhe mbetet në listën e dëshirave të Real Madrdit. Kapiteni i Interit shihet si zëvëndësuesi ideal i Benzemas.