Real Madrid u mposht dje 1-2 nga Alaves në shtëpi. Trajneri Zinedine Zidane është shprehur I habitur pas ndeshjes, duke theksuar se skuadra duhet të ketë vazhdimësi dhe se kjo është nisja më e keqe që madrilenët kanë bërë në historinë e La Ligas. Pas ndeshjes, Galaktikët e shohin veten gjashtë pikë larg kreut që ndahet nga Real Sociedad dhe Atletico Madrid.
“Nuk kam një shpjegim. Kishim momente të mira dhe të këqija. Kur ata shënuan një gol pas tre minutash, gjërat u bënë shumë të komplikuara për ne.
Në Milano luajtëm shumë mirë, por realiteti ynë është në këtë ndeshje. Ajo që duhet të bëjmë është të vazhdojmë të punojmë, të rikuperojmë lojtarët dhe të ndryshojmë dinamikën e lojës. Nuk kemi qëndrueshmëri.
Duhet të gjej një zgjidhje me lojtarët, gjë që nuk mund ta them këtu. Nuk duhet të mendojmë vetëm negativisht. Duhet të shikojmë se çfarë kemi bërë mirë dhe të përpiqemi që të jemi sa më të qëndrueshëm. Ky është fillimi më i keq i sezonit që kemi bërë ndonjëherë”, u shpreh Zidane.