Interi dhe Mauro Icardi duket se janë larg njëri-tjetrit. Bëhet fjalë për zgjatjne e kontratës, që duket se po zvarritet. Drejtuesit e klubit pretendojnë për një pagë prej 7 milionë euosh në sezon, mirëpo është menaxherja e argjentinasit, në të njëjtën kohë edhe bashkëshortja e tij, Wanda Nara, e cila nuk është e kënaqur me këtë shifër dhe kërkon më shumë para, raporton “La Gazzetta dello Sport”.
Ëanda kërkon 9 milion euro në sezon, mirëpo mbetet për t’u parë se si do të vijojë çështja e rinovimit. Në këtë mes, skuadra që mund të përfitojë është Real Madrid, pasi kampionët e Europës prej kohësh e kanë nën “radarët” e tyre Icardin.
