Rashica pranë Vllaznisë

Bëhet fjalë për mesfushorin kosovar  Valdrin Rashica, i cili ka disa ditë në provë te skuadra e Vllaznisë. Kosovari ishte pjesë e Skënderbeut sezonin e kaluar, por me shumë gjasa do të jetë pjesë e organikës shkodrane për këtë sezon. Edhe pse Cungu nuk ka dhënë ok-në përfundimtare, komunikatat për shtyp të klubit dhe riafrimi i tij në provë te Vllaznia, të bëjnë të mendosh që shumë shpejt kosovari do të firmosë për kuqeblutë. Mesfushori u largua një herë nga Vllaznia, por drejtuesit e klubit e rikthyen prapë. Megjithatë duhet pritur verdikti përfundimtar, nëse do të vendoset që kosovari të qëndrojë ose jo.