Bylis do të luajë sezonin tjetër në Kategorinë e Parë. Ballshiotët së bashku me Apoloninë ishin dy ekipet që ranë nga Superliga këtë sezon dhe do të militojnë në të parën sezonin tjetër për tentuar sërish rikhimin në elitë.
Te Bylisi nuk ka nisur ende puna për edicionin e ri e për momentin skuadra është pa trajner, por priten edhe largime masive. Ndreca, Mehmetllari dhe Ymeraliaj janë larguar zyrtarisht nga klubi, ndërsa në ditët në vijim pritet që edhe Antoni, Hadroj dhe Stojanovic të mbyllin aventurën në Ballsh. Të 3 lojtarët nuk dëshirojnë të luajnë në të Parën pasi kanë shumë oferta nga klubet e Superligës e në ditët në vijim do të zbulohen edhe skuadrat e reja.
Loading ...
