El Clasico është në prag. Pikërisht për ndeshjen ndaj Barcelonës, ka folur mbrojtësi i Real Madrid Sergio Ramos. Ai vlerëson maksimalisht Messin, teksa thotë se nëse ylli argjentinas nuk do ishte, madrilenët me shumë mundësi do kishin fituar më shumë trofe. Ai kritikon edhe lojtarët e “Loss Blancos, sipas të cilët, të gjithë kanë gabuar.
“Ne e kemi vuajtur faktin që Barcelona kishte Messin. Nëse nuk do ta kishte dhe ne nuk do ta kishim kundër, mendoj se do të kishim fituar më shumë tituj. Ishte një periudhë kur ne e matëm veten kundër Barcelonës më të mirë në histori. Ne kishim një trajner të shkëlqyer si Mourinho, por ishte e vështirë për ne të përballeshim me ta. Ne nuk fituam shumë dhe kjo ndodhi edhe për faktin se kishte shumë tension të krijuar nga ne vetë ose nga ata. Të gjithë mendoj se kemi bërë gabime” – tha ai.
Loading ...
