Egnatia u mposht në shtë me rezultatin 0-1 nga skuadra e Partizanit, ku një gol në fundin e pjesës së i shënuar nga Rrapaj, vulosi rezultatin e sfidës. Trajneri i Egnatias, Zekirija Ramadani, u shpreh për Supersport se ekipi i tij nuk duhet kurrsesi të humbë përqëndrimin për ndeshjet e ardhshme dhe duhet të bëjë një sforco të madhe për të qenë në maksimum për sfidën e Play-Off.
SFORCO - “Patjetër që është një seriozitet i madh dhe një sforco e madhe e jona që të mbajmë ritmin. Ndoshta dy ndeshjet e fundit nuk kanë shumë vlerë, por duhet të mbajmë ritmit, pasi ndeshja e Play Out më pas është shumë e rëndësishme për ne”.
HUMBJA – “Eksperienca e Partizanit e fitoi këtë ndeshje, shënuan një gol dhe arritën të mbroheshin shumë mirë. E dinimin që do të bëhej e vështirë, kishim vetëm dy ditë kohë për t’u përgatitur. Disa nga futbollistët ishin shumë të lodhur dhe ndoshta duhet të kishim mundësinë të bënim 4 apo 5 ndërrime”.
PEDRO – “Pedro ka bërë disa gola në mënyrë individuale dhe falë tij, jemi këtu në Play Off. Por sërish nga Pedro, që ka qenë individualist, jemi po prapë këtu ku jemi. Është një sulmues egoist, na acaron ndonjëherë ne si staf teknik, po ashtu edhe tifozët. Jemi munduar të punojmë me të nga ana mentale”.
KUNDËRSHTARI – “Kë do të preferoja, Apoloninë apo Korabin? Atë që mund të fitojmë (qesh). Hera e parë që marr pjesë në një ndeshje Play Out. Kemi marrë mësim nga disa skuadra në të kaluarën dhe ne do të luftojmë në maksimum e do e konsiderojmë si ndeshje Europe”, përfundoi Ramadani.
Lexo gjithashtu
