Frederik Veseli ka folur pas humbjes 1-0 të Shqipërisë kundër Islandës. Qendërmbrojtësi i kombëtares kuqezi deklaroi për mikrofonin e Supersport:
"Sigurisht kishim mundësi për të fituar. Por meritë është e kundërshtarit që bëri një lëvizje të bukur, s'ke çfarë i bën në atë moment. Mund t'i kishim shkaktuar ndonjë faull. Normal, ka bërë një lëvizje shumë të bukur. Besoj se kemi pasur mirëkuptim mes nesh. Kemi bërë disa gjëra që i kemi provuar në stërvitje. Kemi mundësi për të përmirësuar çdo gjë.
Ata prisnin vetëm kundërsulmin. Nëse futeshim një lojtar më
shumë në sulm, i mbyllnim disa hapësira.
Unë kam kontratë edhe dy vite me Empolin. Do të vendosë klubi, por normal nëse
vjen ndonjë ofertë me e mirë, do të isha i gatshëm për të ndërruar diçka më
pozitive.
