Në lidhje me zërat e merkatos së Teutës, trajneri i durrsakëve Bledi Shkëmbi rrëfeu se klubi po punon për transferimin e sulmuesit Latif Amadu drejt Bjellorusisë. Për Newsport, kreu i pankinës durrsake zbuloi se klubi është në tratativa me dy klube nga Bjellorusia, ndërsa konfirmoi se klubi po punon për ardhjen e një lojtari argjentinas
“Për Latifin jemi në tratativa me dy ekipe të Bjellorusisë. Po punojmë ende. Sa për Arapin, ai duhet të zgjidhë ngërccin me klubin e tij (Afyonsporin).
Për atë lojtarin argjentinas po merret shefi i klubit. Po diskutojmë për ta sjellë këtu, por kemi hasur në konkurencë, sepse po e kërkojnë disa ekipe të tjera. Nuk dua ta zbuloj emrin e tij se është konfidenciale”, deklaroi Shkëmbi.
Pas largimeve të Bojan Gjorgievskit, Edison Ndrecës dhe Arsid Krujës, Teuta transferoi mbrojtësin Erlis Frashërin nga Kamza. Ndërsa klubi premton se do të sjellë ndryshime të rëndësishme për pjesën e dytë të sezonit për t’u renditur në katërshen e më të mirëve të këtij edicioni të Kategorisë Superiore.
Loading ...
