Progni mes Flamurtarit dhe Azerbajxhanit

Gerhard Progni ka mbyllur marrëdhëniet me Skënderbeun dhe në Vlorë janë hedhur menjëherë në sulm, pasi e kanë dashur gjithmonë rikthimin e mesfushorit. Edhe verën e kaluar u fol për ardhjen e Prognit në Vlorë, por në fund mesfushori vendosi të qëndronte në Korçë. Fakti që Flamurtari do të drejtohet nga trajneri Gugash Magni, e bën të mundur kthimin e Porgnit, sepse të dy kanë qenë në skuadrën vlonjate 5 sezone më parë dhe u larguarn në të njëjtën kohë. Por mesfushori i krahut të djathtë ka një ofertë edhe nga Azerbajxhani, që po e vlerëson seriozisht. Vetë lojtari nuk është prononcuar në lidhje me të ardhmen dhe mbetet për t’u parë zgjedhja e tij. Në Vlorë shpresojnë.