Probleme për Partizanin në seancën stërvitore, zbuloni arsyen

Partizani ka nisur seancën e radhës stërvitore të planifikuar nga stafi teknik me vonesë. Burime për newsport.al bëjnë me dije që shkak është bërë një problem teknik i fushës së kompleksit “Internacional Tirana” në Pezë Helmas, e cila ishte e thatë, dhe nuk të lejonte të kryeje një seancë stërvitore normale. I ndodhur përballë këtyre kushteve, tekniku italian, Adolfo Sormani ka urdhëruar menjëherë që të laget fusha. Kështu ka ndodhur, dhe tashmë të kuqtë po zhvillojnë seancën stërvitore në kuadër të raundit të tretë eliminator.