Presidenti i Skënderbeut, Ardian Takaj ka postuar një foto të trofeve të fituar në profilin e tij në “Instagram”. Një foto që tregon shumë për çdo njeri që e sheh. Përpos numrit të shumtë të titujve të fituar, Takaj ka dashur të shprehë supremacinë e klubit bardhekuq, ku edhe sivjet do të jetë pretendenti kryesor për fitimin e titullit kampion. Presidenti i Korçës e mori ekipin kampion në vitin 2011 duke fituar katër tituj kampion rresht me të. Me presidentin Takaj, Skënderbeu është i vetmi klub në Shqipëri që ka arritur të kualifikohet në fazën në grupe në Europa League, duke shkruar historinë.
