Presidenti i ekipit të Napolit De Laurentis është i vendosur që sukmuesi të mos largohet nga klubi. Ai është shprehur se dëshiron ta mbajë sulmuesin në ekip të paktën edhe për pesë vitet e ardhshme.Gonzalo Higuain ka tërhequr vëmendjen e shumë klubeve Europiane pas sezonit shumë të mirë që zhvilloi me skuadrën e Napoli ku në 35 takime të luajtura arriti të shënonte 36 gola.
PSG,Chelsea, Manchester City janë disa nga ekipet që kërkojnë ta kenë ish-futbollistin në ekipin e tyre,por vendimi i Presidentit është i qartë. Higuain qëndron te Napoli.
‘’Unë jam i gatshëm që të zgjat kontratën për Higuain pasi unë e pëlqej shumë atë si lojtar por edhe si njeri.Nëse do të ishte për mua ai do të luante për Napolin deri në fund të karrierës së tij. Ai është një sulmues që luan për kënaqësinë e të gjeturit të golit dhe kjo është për tu respektuar’’, është shprehur De Laurentis.
Higuain gjendet i grumbulluar me Argjentinën në ‘’Copa America’’, dhe në ndeshjen e fundit me Venezuelën arriti të shënonte dy gola.
