Presidenti i Kukësit Safet Gjici mësohet se ditën e djeshme ka zhvilluar një mbledhje me stafin teknik duke përfshirë drejtorin Nderim Nexhipi dhe trajnerin Armando Cungu.
Në këtë mbledhje Gjici ka kërkuar llogari për humbjen e thellë në Tbilisi në ndeshjen e parë kundër Torpedos, duke fajësuar së tepërmi mbrojtjen por edhe repartet e tjera të ekipit. Gjithashtu numri një i verilindorëve ka kërkuar me patjetër kualifikimin në ndeshjen e kthimit duke theksuar se përmbysja e rezultatit 5-2 është plotësisht e mundur.
Ndër të tjera në mbledhje u fol edhe për afrimet e reja në ekip me mbrojtësin Cuculi dhe lojtarin juventin Toure që pritet të prezantohen zyrtarisht ditën e sotme. Megjithatë Gjici ka kërkuar nga drejtori Nexhipi afrime të reja pas ndeshjes me Torpedon pavarësisht se si do të shkojë sfida e të enjtes në "Elbasan Arena".
Lexo gjithashtu
