Presidenti i FSHF-së, Armand Duka ka folur para ndeshjes me Izraelin që do të startojë për pak minuta. Kreu i FSHF-së, ka komentuar këtë sfidë për mikrofonin e RTSH-së.
"Duhet të fillojmë mirë ndeshjen dhe të marrim fitoren e parë në këtë kompeticion të ri. Objektivi është vendi i parë. Kur të përfundojë ndeshja, do të jap opinion se si ishin zgjedhjet e Panuçit për formacionin. Objektivi është të fitojmë, por dhe nëse nuk fitojmë, nuk do të ketë prerje kokash. Gjithçka varet nga rezultati. Por nuk kemi pse të mendojnë negativisht, do të mendojmë pozitivisht dhe të besojmë te kjo kombëtare. Nuk është shumë e lehtë, pasi vetëm 4 skuadra shkojnë në evropian. Gjithsesi, ne do të bëjmë maksimumin që të marrin fitore dhe të arrijmë kualifikimin, por dhe nëse nuk ia dalim, duam të kalojmë nga Liga C në B", u shpreh Armand Duka.
