Fjalë që nëse dëgjohen nga tifozët e Juventusit, sigurisht që do të sillnin të qeshura te vetë ata. Ndryshe nga tifozët e Romës, të cilët në 2004-ën u prezantuan me një sulmues që rezultoi dështim total te verdhekuqtë.
Bëhet fjalë për ish-sulmuesin egjiptian, Mido dhe për një parapaskenë merkatoje që e tregon vetë 34-vjeçari.
“Në atë periudhë unë luaja për Marsejën, por në 2004-ën mora një ofertë nga Juventus, ndërsa Ibrahimoviç kërkohej nga Roma”, tregon Mido, i cili më pas zbulon se: “Ishte gjithçka e kryer. Shkova në aeroport, gati për t’u nisur drejt Torinos për të firmosur me Juventusin. Në atë moment më telefonon menaxheri im, Mino Raiola dhe më thotë se duhet të anuloja fluturimin. Arsyeja? Juventus kishte arritur akordin me Ibrahimoviç, ndërsa mua më takonte të shkoja te Roma”.
Mido nuk shkëlqeu me Romën, më saktë dështoi, sepse në vetëm 8 ndeshje që zhvilloi nuk realizoi asnjë gol, ndërsa karriera e Ibras, që nga periudha kur u transferua te Juventusi mori vetëm për lart.
Loading ...
