Pogba bashkohet me Ronaldon, kampioni i botës ëndërron për Juventusin

Pogba dëshiron të kthehet medoemos te Juventus. Mesfushori francez i Manchester United i ka tensionuar raportet me teknikun e “Djajve të Kuq” Jose Mourinho me të cilin kanë mosmarrëveshje në lidhje me zgjedhjet taktike të portugezit. Sipas “Tuttosport” kampioni i botës me “Gjelat” pret merkaton e janarit për t’u transferuar te “Zonja e Vjetër” te të cilët u kthye në një prej lojtarëve më të mirë në botë. Por Manchester United nuk pranojnë ta japin kollaj asetin e tyre më të çmuar pasi ai është një burim i vlefshëm për marketing dhe rritjen e të ardhurave të skuadrës. Megjithatë deri në janar pritet të shihet se si do të jetë ecuria e Manchester United në të gjitha kompeticionet që ajo merr pjesë.