Partizani-Vllaznia u mbyll në barazim 1-1. Supersfida e javës së 21-të të Superligës nuk prodhoi fitues, ndërsa golat u shënuan nga Latifi dhe Cara për të kuqtë. Vllaznia ngeli me 10 lojtarë që në pjesën e parë, por Partizani nuk përfitoi duke mos arritur të marrë fitoren në këtë ndeshje. Në fund të sfidës, trajneri i Vllaznisë, Thomas Brdaric për "Gol pas Goli" u shpreh:
Kartoni i kuq dhe ndeshja? “Ishte një pikë kyçe dalja e Hakajt pasi deri në atë moment ishim në kontroll të sfidës. Shënuam golit e pas golit i dhamë terren Partizanit pasi nuk e mbajtëm mirë topin. Pjesa e dytë e sfidës u duk si një film “thriller”.
Kartonat? “Për mua është deçizive ajo që ndodh sot dhe nuk mendoj për ndeshjen e radhës. Për ndeshjen tjetër ndaj Skënderbeut do të mendojmë strategji tjetër, por duhet të analizojmë disa gjëra nga ndeshja e sotme.
Jam dakort që marrim shumë kartona dhe vuajmë gjatë ndeshjes. Investohemi shumë dhe në një pikë të caktuar i presim këmbët vetes. Me 11 lojtarë në fushë kemi mundësi të mposhtim çdo kundërshtarë në Superligë”.
Barazimi rezultat i drejtë apo ndikoi gjyqtari? “Sipas mendimit tim ishte vendimtare që nuk i dha një karton të kuq Partizanit. Nuk e di pse pasi ishte një faull i qartë për Bitrin dhe karton i verdhë. Ndeshja do të ishte mbyllur me atë vendim dhe gjyqtari e ndihmoi Partizanin në këtë ndeshje”.
Titulli i mbyllur me fitoren e Tiranës nesër? “Në këto momente të rëndësishme ne duhet vetëm të fitojmë e të grumbullojmë sa më shumë pikë. Tirana është shumë pikë larg dhe ne duhet të jemi të përulur për të kapur zonën europiane. Do ta analizojmë këtë ndeshje pasi duhet të të fitonim me çdo kusht sot”, u shpreh Brdaric.
Lexo gjithashtu
