Tirana pësoi humbjen e parë ditën e sotme 2-1 ndaj Kukësit. Bardheblutë nuk arritën të shmangin dot humbjen edhe pse shënuan gol. Në fund të ndeshjes për “Supersport”, ka folur edhe presidenti i Tiranës, Refik Halili. Në fjalën e tij, numri një i Tiranës u shpreh i irrituar duke akuzuar gjyqtarin Hamiti.
“Është një humbje që na dhemb. E dija që do ishin të gjithë kundërt. Arbitrimi shumë i dobët. Nuk dua të flas për ta, por ky arbitër është e disata herë që shkatërron klubin e Tiranës, në të gjithë mënyrat. Është turp për futbollin, me ato faulle që jep, të paqena. Ul ritmin e lojës, bën masakër në fushë. Kush të dojë, le ta mbajë, ta gjykojë, por kjo është masakër. Kjo është e qëllimshme. E dija që do kishim kundër në këtë ndeshje, sepse nuk duan që të ecim para si klub. Masakrën e bëri arbitri, uroj ta keni parë”.
Derbi? “Ne do respektojmë kampionatin. Do i marrim me radhë, shpresojmë të ecim para”, u shpreh Halili.
Loading ...
