Luftëtari mund të quhet surpriza e këtij sezoni në Superiore. Përveç se ka qenë një "kockë" e fortë për të gjithë kundërshtarët, bluzinjtë kanë bindur me lojën e zhvilluar në dy fazat e para duke arritur të renditen në vendin e pestë me 22 pikë të grumbulluara. Objektivi në fillim të sezonit ishte qëndrimi në Superiore, por tashmë edhe drejtuesit e ekipit kanë premtuar pjesëmarrjen në Kupat e Europës.
Klubi bluzi nuk ka qëndruar duarkryq në edhe këtë merkato dimri, por ka afruar deri tani 5 lojtarë. Eri Lamçja, Vangjel Zguro, Pedro Bengui, Ahmed Reza Zahmatkesh dhe Usama Mutumane janë 5 futbollistët e mbërritur në Gjirokastër. Tashmë pritet të startojë faza e tretë për të parë performancën e skuadrës së drejtuar nga Milinkoviç në këtë sezon të Superiores.
Lexo gjithashtu
