Egnatia ka filluar sot përgatitjet për sezonin e ri 2022/23. Në Rrogozhinë kanë qenë mjaft aktivë dhe gjatë periudhës së pushimeve, pasi afrimet kanë qenë të shumta.
Pas largimit të disa lojtarëve dhe afrimit të tjerëve, mund të thuhet se Egnatia ka nisur projektin e ri. Vetëm mbijetesa nuk mund t’i kënaqë rrogozhinasit, të cilët punojnë shumë në kampin e tyre.
Edlir Tetova do ketë peshën kryesore që të krijojë një ekip funksional, pasi dëshirat e tij duket se po plotësohen. Presidenti Agim Demrozi nuk është kursyer deri tani në afrimin e lojtarëve, teksa drejtori sportiv Ndriçim Shtubina ka punuar për t’i sjellë.
Nehar Sadiki, Ilir Camaj, Alen Sherri, Emiliano Musta, Abdurrahman Fangaj, Erald Hyseni, Geri Selita dhe zyrtarizimi i Arbin Zejnullahit dhe Flavjo Meçjas ditën e sotme, krijojnë thuajse një ekip të ri. Në “Arena Egnatia” shfaqen pozitivë se sezoni i ri do sjellë lajme të mira në fund të tij.
Loading ...
