Enea Sulkja do jetë lojtari më i ri i AF Elbasanit. Mesfushori vjen pas aventurës me Shkumbinin, nga ku dhe është formuar, teksa më parë ka dhenë kontributin e tij në Shqipëri për Lushnjën dhe Bylisin. Sulkja madje ka luajtur dhe për KSV Vatan Sport nga viti 2016 deri në 2018-ën, klub i cili tashmë militon në kategorinë e katërt gjermane.
Është shtypi i shkruar që bën me dije për këtë transferim të 28-vjeçarit. Me eksperiencën e tij pritet të shtojë kualitetin skuadrës verdheblu që vazhdon të përforcohet për të ardhmen.
Kujtojmë që AF Elbasani ndodhet në Kategorinë e Dytë si kampion i së Tretës, ndërsa synimet janë për të vazhduar më tej rrugëtimin e suksesshëm. Mbetet për t’u parë gjithçka për klubin që u krijua vetëm 1 vit më parë, për të kthyer futbollin e Elbasanit në nivele të larta.
Loading ...
