Për Tramezzanin nuk ka pushime, fillon studimin e kundërshtarëve

Edhe pse të gjithë futbollistët e Luganos, ekipi i ri që ka marrë nën drejtim tekniku italian Paolo Tramezzani janë me pushime, ai është paraqitur pranë klubit për të parë gjendjen aktuale dhe për tu njohur me stafin e punës.

Nuk ka mundur të takojë të gjithë lojtarët, pasi shumica e tyre kanë marrë pushimet e dimrit, por kjo gjë nuk e ka penguar atë të nisë të studiojë kundërshtarët.

Në një intervistë për “Ticinonews”, tekniku italian ka deklaruar: “Jam i motivuar. Po pres me padurim që të filloj”. Gjithashtu janë mësuar dhe katër kundërshtarët e parë me të cilët Lugaon do të zhvillojë takimet e para miqësore, që janë dhe test për trajnerin e ri.