Ramadan Ndreu ka folur pas humbjes 2-1 kundër Apolonisë. Trajneri i Kastriotit u shpreh i pakënaqur me ekipin e tij duke theksuar se lojtarët e morën shumë lehtë. Në fjalën e tij për Supersport, Ndreu deklaroi:
“Të them të vërtetën e kishim përgatitur ndeshje me shumë kujdes. Ishte një problem psikologjik. Kemi punuar për të mos marrë gol. Përpara duhet të dilnim, por në pjesën e parë menduam që Apoloninë do ta mundnim shpejt. Patëm shumë probleme sidomos në mbrojtje gjë e cila na dha dy gola. Tensioni ishte shumë i madh. Pati pretendime edhe për 1 penallti. Arbitri besoj se nuk i zgjidhi drejt disa raste. Ne kemi 4-5 mungesa në formacionin titullar. Aktivizuam çuna të rinj që nuk e mbanin dot këtë ndeshje.
Mbijetesa? Megjithëse sot, se kemi luajtur edhe ndeshje të tjera me mungesa, sot kishim problemin psikologjik. Në Laç zhvilluam një ndeshje shumë të mirë. Sot, me një Apoloni që s’dihet nga shkon, humbëm ndeshjen. Në futboll duhen lojtarë që kanë eksperiencë, që mbajnë situata të vështira. Sot duhet ta merrnin ekipin për dore duke menaxhuar lojën me shumë kujdes. Sot luajtën pa presion dhe na nxorrën probleme.
Problemet? Difektet tona filluan që në dhjetor. Ne kemi thënë shpesh herë që kemi një 11-tshe të brishtë. Në dhjetor u largua Hyseni, që ishte xhol për ne. Na jepte garanci në fazën e mbrojtjes.
Penalltia e pretenduar? Shikoje, shikoje, është e tmerrshme. Edhe në stërvitje u them që mos të gjuajnë penallti, sepse nuk i jep kush. Kjo është të luash nga mendtë e kokës. Është turp mos ta japësh këtë penallti. Kam 30 e sa ndeshje, si s’po gjuaj një penallti. Është e tmerrshme. Ndaj Apolonisë që nuk arrijmë rezultate pozitive, them se është problemi ynë. Ne kemi luajtur përgjithësisht me ekipe të lehta. Duhet ta përgatisim ndeshjen para se hyjmë në fushë. Duhet t’i vlerësojmë maksimalisht. Apolonia na ka nxjerrë shumë probleme këtë sezon. E kam nënvizuar që lojën gjithmonë e dua 0-0. Nuk duhej të shthureshim në atë lloj mënyre. Kemi menduar që e fitojmë kollaj”, ka përfunduar ai.
Loading ...
