Gara në rrjetet sociale ka qenë e përhershme dhe më e shpejtë gjatë kohëve të fundit për klubet e futbollit, aq sa kemi parë që edhe përgjigjet i kanë kthyer nëpërmjet faqeve të tyre zyrtare. Skuadra si Partizani, Skënderbeu dhe Tirana kanë faqe të konfirmuara në “facebook”, të cilat drejtohen nga zyra e shtypit në ekipet përkatëse, të cilat e përdorin këtë rrjet social për të bërë informimin e publikut dhe tifozëve të tyre.
Por, gara tashmë është kthyer te fansat në “facebook”. Partizani ka thyer rekordin që e mbante pak ditë më parë Skënderbeu, ndërsa vendi i tretë zotërohet nga bardheblutë e Tiranës. Janë këto ekipe që sipas fansave që posedojnë janë të renditura kështu:
Partizani – 180013
Skënderbeu – 150442
Tirana – 83061
