Të kuqtë kanë afruar disa lojtarë gjatë merkatos së verës, por edhe shumë të tjerë janë larguar. Gjatë orëve të fundit u shtuan zërat brenda zyrave të “demave” se afrimi i radhës do të ishte Vullnet Basha, ish-futbollisti i kombëtares, por për “Panorama Sport” mesfushori ka pohuar se nuk ka asnjë kontakt me Partizanin.
“Këto janë zëra merkatoje, por për mua nuk ka gjë të vërtetë, pasi nuk jam në kontakt me Partizanin. Brenda këtyre dy ditëve pres të firmos me një klub spanjoll. Klubet me të cilët jam në kontakt janë Kadiz dhe Murcia”, tha Basha.
